Daniel 11

1Lami-ke, ngomnyaka wokuqala ^a kaDariyusi umMede ^b, ngema ukumqinisa lokumvikela.

Inkosi yenyakatho leyaseningizimu

2Khathesi sengizakutshela iqiniso ^c. Khangela, kusezakuma amakhosi amathathu ePerisiya ^d; njalo eyesine izanotha ngenotho enkulu okwedlula wonke. Kuthi isiqinile ngenotho yayo ibavuse bonke bamelane lombuso weGirisi. 3Kuzasukuma-ke inkosi elamandla, ezabusa ngokubusa okukhulu ^e, yenze ngokwentando yayo ^f. 4Lalapho isukuma, umbuso wayo uzaqanyulwa ^g, wehlukaniswe ngasemimoyeni ^h emine yamazulu ⁱ; kodwa ungabi ngowenzalo yayo, ungabi njengombuso ebiwubusa ^j; ngoba umbuso wayo uzasitshunwa, ube ngowabanye ngaphandle kwalaba.

5Lenkosi yeningizimu izakuba lamandla, lomunye weziphathamandla zayo; yena-ke uzakuba lamandla kulayo, abuse; umbuso wakhe uzakuba ngumbuso omkhulu. 6Lekupheleni kweminyaka bazahlangana, ngoba indodakazi yombusi weningizimu izakuza kumbusi wenyakatho ukuzakwenza isivumelwano esilinganayo, kodwa kayiyikugcina amandla engalo ^k; futhi kayiyikuma, layo ingalo yakhe; kodwa izanikelwa, labayilethileyo ^l, loyizeleyo, loyiqinisileyo ngalezizikhathi. 7Kodwa kuzasukuma ogatsheni lwempande zayo esikhundleni sakhe, ozabuya lebutho, angene enqabeni yenkosi yenyakatho ^m, enze emelene labo, ehlule. 8Labonkulunkulu babo kanye leziphathamandla ⁿ zabo kanye lezitsha zabo eziloyisekayo ezesiliva legolide uzakuletha eGibhithe ekuthunjweni; yena-ke uzakuma okweminyaka kulenkosi yenyakatho. 9Ngokunjalo inkosi yeningizimu izangena embusweni, ibuyele elizweni layo.

10Kodwa amadodana ayo azadungeka, ahlanganise ixuku lamabutho amakhulu ^o; ngeqiniso kufike omunye, agabhe ^p, adabule ^q; abuyele, adungeke, kuze kube senqabeni yakhe ^r. 11Lenkosi yeningizimu izathukuthela kakhulu ^s, iphume ilwe layo, lenkosi yenyakatho; yona izavusa ixuku elikhulu ^t, kodwa lelixuku lizanikelwa esandleni sayo. 12Selisusiwe lelixuku, inhliziyo yayo izaziphakamisa, iwisele phansi izinkulungwane ezingamatshumi amanengi, kodwa kayiyikuba lamandla. 13Ngoba inkosi yenyakatho izaphenduka, ivuse ixuku elikhulu kulelokuqala ^u; njalo ekupheleni kwezikhathi zeminyaka izafika isibili ilebutho elikhulu lempahla ezinengi.

14Langalezozikhathi abanengi bazasukuma bemelane lenkosi yeningizimu. Labalesihluku babantu bakho bazaziphakamisa ^v ukuze bawuqinise umbono ^w, kodwa bazakhubeka ^x. 15Ngakho inkosi yenyakatho izafika, ibuthelele idundulu ^y, ithumbe imizi ebiyelweyo. Futhi izingalo zeningizimu kaziyikuma, kanye labakhethiweyo bakhe, futhi kakuyikuba lamandla okuma. 16Kodwa eza ukuzamelana layo izakwenza ngokwentando yayo ^z, engekho ongema phambi kwayo ^aa. Izakuma lelizweni elihle, lokutshabalaliswa kuzakuba sesandleni sayo. 17Njalo izamisa ubuso bayo ukungena ngamandla ombuso wayo wonke ^ab, labaqotho belayo, ngokunjalo izakwenza; futhi izayinika indodakazi yabafazi, ukuwuchitha; kodwa kayiyikuma, kayiyikuba ngeyayo ^ac. 18Emva kwalokho izaphendulela ubuso bayo ezihlengeni, ithumbe ezinengi; kodwa isiphathamandla ^ad sizakwenza ihlazo layo limphelele; ngaphandle kokuthi izabuyisela ihlazo layo kuyo ^ae. 19Ibisiphendulela ubuso bayo ngasezinqabeni zelizwe lakibo ^af, kodwa izakhubeka ^{ag , ah} iwe ^ai, njalo ingatholwa ^aj.

20Lapho kuzasukuma esikhundleni sayo odlulisa umthelisi kudumo lombuso; kodwa phakathi kwezinsuku ezinlutshwana uzabhujiswa, kungabi ngezintukuthelo, kungabi ngezimpi ^ak. 21Lapho kuzasukuma esikhundleni sakhe odelelekileyo, abangayikumnika udumo lombuso, kodwa ezangena ngokuthula ^al, awubambe umbuso ngamazwi abutshelezi ^am. 22Lezingalo zikazamcolo ^an zizakhukhulwa phambi kobuso bakhe, zifohlozwe; yebo, laso isiphathamandla sesivumelwano ^ao. 23Langemva kokuhlangana laye uzasebenza ngenkohliso ^ap; ngoba ezakwenyuka ^aq, abe lamandla elesizwe esincane ^ar. 24Uzangena ngokuthula ^as laphezu kwezindawo ezivunde kakhulu zesabelo ^at; enze lokho oyise loba oyise baboyise abangakwenzanga; uzahlakaza phakathi kwabo impango lokuthunjiweyo lempahla; acebe amacebo akhe emelene lezinqaba, kodwa kuze kube yisikhathi ^au. 25Futhi uzavusa amandla akhe lenhliziyo yakhe emelene lenkosi yeningizimu elebutho elikhulu ^av; njalo inkosi yeningizimu izadungeka ilebutho elikhulu elilamandla amakhulu ^aw; kodwa kayiyikuma, ngoba bazaceba amacebo bemelene layo. 26Yebo, labo abadla isabelo sokudla sayo bazayibhubhisa ^ax, lebutho layo lizakhukhula ^ay, labanengi bazakuwa bebulewe. 27Njalo inhliziyo zalamakhosi amabili zikukho okubi, njalo azakhuluma amanga etafuleni elilodwa; kodwa kakuyikuphumelela, ngoba isiphetho sisezakuba khona ngesikhathi esimisiweyo ^az. 28Lapho ezabuyela elizweni lakhe elempahla ezinengi; kodwa inhliziyo yakhe izamelana ^ba lesivumelwano esingcwele ^bb; njalo uzakwenza, abesebuyela elizweni lakhe ^bc.

29Ngesikhathi esimisiweyo uzaphenduka, eze ngaseningizimu ^bd; kodwa kakuyikuba njengokwakuqala loba njengokokucina ^be. 30Ngoba imikhumbi yeKitimi izakuza imelane laye ^bf; ngakho uzadabuka, abuyele emuva, athukuthelele ^bg isivumelwano esingcwele ^bh; njalo uzakwenza ^bi, abesebuyela, anakane labo abadele isivumelwano esingcwele ^bj. 31Lezingalo zizakuma zivela kuye, zingcolise indawo engcwele eyinqaba, asuse umnikelo oqhubekayo ^bk, amise isinengiso esichithayo ^bl. 32Lalabo abenza inkohlakalo bemelene lesivumelwano uzabangcolisa ^bm ngamazwi abutshelezi ^bn; kodwa abantu abamaziyo uNkulunkulu wabo bazaqina, benze. 33Njalo abaqedisisayo babantu bazafundisa abanengi ^bo; kanti ^bp bazakuwa ngenkemba ^bq, langelangabi, ngokuthunjwa, langokuphangwa, izinsuku ezinengi. 34Kuzakuthi lapho besiwa ^br, basizwe ^bs ngosizo oluncinyane, kodwa abanengi bazazihlanganisa labo ngamazwi abutshelezi ^bt. 35Kodwa abanye kwabaqedisisayo ^bu bazakuwa ^bv, ukubalinga ^bw, lokubahlambulula ^{bx , by}, lokubenza babe mhlophe ^{bz , ca}, kuze kube yisikhathi sokuphela ^cb; ngoba kusezakuba ngokwesikhathi esimisiweyo ^cc.

36Njalo inkosi izakwenza njengokwentando yayo ^cd, iziphakamise ^ce, izikhulise ngaphezu kwabo bonke onkulunkulu ^cf, ikhulume izinto ezimangalisayo ^cg imelene loNkulunkulu wabonkulunkulu ^ch, iphumelele ^ci kuze kuphelele ^cj intukuthelo ^ck; ngoba lokho okumisiweyo kuzakwenziwa ^cl. 37Futhi kayiyikunaka onkulunkulu baboyise, lesiloyiso sabesifazana ^cm, njalo kayiyikunaka loba nguwuphi unkulunkulu ^cn; ngoba izazikhulisa phezu kwabo bonke ^co. 38Kodwa esikhundleni sakhe uzadumisa unkulunkulu wezinqaba, ngitsho unkulunkulu oyise ababengamazi amdumise ngegolide langesiliva ^cp langamatshe aligugu ^cq langezinto eziloyisekayo. 39Njalo izakwenza ezinqabeni ezilamandla ikanye lonkulunkulu wezizweni; amnanzelelayo amandisele udumo. Izabenza babuse phezu kwabanengi, yehlukanise ilizwe ngentengo.

40Langesikhathi sokuphela inkosi yeningizimu ^cr izamsunduza ^cs; kodwa inkosi yenyakatho izamelana layo njengesivunguzane ^ct, ilezinqola ^cu, labagadi bamabhiza, lemikhumbi eminengi ^cv; ingene emazweni, ikhukhule ^cw, idlule ^cx. 41Njalo izangena elizweni elihle, njalo amazwe amanengi azakuwa ^cy; kodwa la azaphunyuka esandleni sakhe ^cz, iEdoma ^da loMowabi ^db lekhethelo labantwana bakoAmoni ^dc. 42Njalo izakwelulela isandla sayo emazweni, lelizwe leGibhithe kaliyikuphepha. 43Kodwa izabusa phezu kwamagugu afihliweyo egolide lawesiliva, laphezu kwazo zonke izinto eziligugu ^dd zeGibhithe ^de. Njalo amaLibiya ^df lamaEthiyophiya ^{dg , dh} azakuba sezinyathelweni zakhe ^di. 44Kodwa imibiko evela empumalanga levela enyakatho izamethusa, ngakho uzaphuma ngokuthukuthela okukhulu ukuyachitha ^dj lokutshabalalisa abanengi ^dk. 45Njalo uzagxumeka amathente esigodlo sakhe phakathi laphakathi kwezinlwandle ^dl entabeni enhle engcwele ^{dm , dn}; kanti uzafika ekupheleni kwakhe, angabi lomsizi ^do.